Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación Cultural Grupo de Guías Sant-Yago, con data do 5 de outubro de 1999.
Visto o Decreto 224/1994, do 2 de xuño, polo que se crea o referido rexistro.
Visto igualmente o informe da Xerencia de Promoción do Camiño de Santiago, emitido de acordo co artigo 3.
Considerando que a solicitude presentada cumpre as normas establecidas no decreto de referencia,
RESOLVO:
Que a Asociación Cultural Grupo de Guías Sant-Yago quede inscrita no Rexistro de Entidades de Promoción do Camiño de Santiago co número 110.
Santiago de Compostela, 7 de outubro de 1999.
Andrés González Murga
Secretario xeral da Consellería de Cultura,
Comunicación Social e Turismo