A amplitude e diversidade das competencias da Inspección Xeral de Servicios, a dimensión da Administración galega sobre a que se proxecta a súa actuación e a complexidade técnica dalgunhas das súas actuacións e moi especialmente do Programa de Avaliación do Rendemento que inclúe tódalas unidades administrativas da Xunta de Galicia, moitas delas de carácter técnico, unido á experiencia adquirida, aconsellan configura-la Inspección Xeral de Servicios como un equipo multidisciplinar que permita coñecer e profundar, con coñecemento de causa, o funcionamento non só das áreas de xestión da Administración senón tamén das áreas técnicas moi importantes nalgunhas consellerías.
Por outra parte, o Decreto 374/1998, do 29 de decembro (DOG nº 6, do 12 de xaneiro de 1999) establece unha nova estructura orgánica da Secretaría Xeral de Investigación e Desenvolvemento.
Todo isto fai necesario modifica-la relación de postos de traballo da Consellería da Presidencia e Administración Pública.
En consecuencia, por proposta da devandita consellería, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día catorce de outubro de mil novecentos noventa e nove, adoptou o seguinte
ACORDO:
Primeiro.-Modifica-la vixente relación de postos de traballo da Consellería da Presidencia e Administración Pública, nos termos que se sinalan no anexo a este acordo.
Segundo.-Ordena-la súa publicación no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como postos de libre designación, de acordo coas motivacións que se especifican, os seguintes:
Código Denominación Motivación
PR.P11.00000.15770.001 Secretario/a do secretario/a xeral Artigo 6 da orde da Consellería da Presidencia e Administración Pública do 21 de novembro de 1989 (DOG nº 232, do 4 de decembro). Posto de confianza.
Código Denominación Motivación
PR.P11.00002.15770.015 Sección de habilitación Posto de especial responsabilidade polo manexo de fondos públicos.
Visto o acordo adoptado polo Consello da Xunta de Galicia, na súa reunión do catorce de outubro de mil novecentos noventa e nove, relativo á notificación
da relación de postos de traballo da Consellería da Presidencia e Administración Pública, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 15 de outubro de 1999.
Jaime Pita Varela
Conselleiro da Presidencia e Administración Pública
