Por Orde do 31 de maio de 1999 (publicada no DOG nº 106, do 4 de xuño), foron convocados os premios para o fomento da reducción de residuos en Galicia, co fin de elixi-las mellores ideas e iniciativas cara á reducción na producción deste tipo de residuos.

No artigo 6.3º da citada orde prevese que o conselleiro de Medio Ambiente emitirá a orde definitiva pola que se conceden estes premios. Neste sentido, o xurado previsto na convocatoria, na súa reunión do pasado día 14 de outubro, emitiu o seu dictame, no que se fundamenta o contido desta orde.

Polo tanto, en uso das atribucións conferidas no artigo 34 da Lei 1/1983, do 22 de febreiro, modificada pola Lei 11/1998, do 20 de outubro, en relación cos artigos 27.30º e 30 do Estatuto de autonomía e o Decreto 482/1997, do 26 de decembro

RESOLVO:

Artigo 1º

De acordo co disposto na Orde do 31 de maio de 1999, e trala deliberación do xurado que tivo lugar o pasado día 14 de outubro, concédense os premios para o fomento da reducción dos residuos domésticos ás ideas que se relacionan no anexo a esta orde.

Artigo 2º

Esta orde entrará en vigor o día seguinte ó da súa publicación e seralles comunicada persoalmente ós premiados.

Santiago de Compostela, 25 de outubro de 1999.

Carlos del Álamo Jiménez

Conselleiro de Medio Ambiente

ANEXO

A Coruña

Lugo

Ourense

Pontevedra