De conformidade co establecido no artigo 43 do Regulamento de montes, do 22 de febreiro de 1962,

e o Real decreto 1535/1984, do 20 de xuño, polo que se transfiren á Comunidade Autónoma de Galicia competencias en materia de conservación da natureza, esta consellería, logo de proposta da Dirección Xeral de Montes e Medio Ambiente Natural,

DISPÓN:

Artigo único.-Dar de baixa do Catálogo de Montes de Utilidade Pública da provincia de Lugo, por non reunir xa as condicións que foron determinantes para a súa inclusión, por petición do Concello da Fonsagrada, o monte Carballal da Raboa pertencente á parroquia de San Pedro de Neiro, que figuraba co número 22 nel.

Disposición derradeira

Esta orde entrará en vigor o día seguinte ó da súa publicación no Diario Oficial de Galicia e contra ela poderase interpoñer recurso de reposición con carácter potestativo perante o conselleiro de Medio

Ambiente no prazo dun mes ou ben interpoñer directamente o recurso contencioso-administrativo perante o Tribunal Superior de Xustiza de Galicia no prazo de dous meses de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, do 13 de xullo, da xurisdicción contencioso-administrativa, ou exercitar calquera outro que considere pertinente.

Santiago de Compostela, 21 de outubro de 1999.

Carlos de Álamo Jiménez

Conselleiro de Medio Ambiente