A comisión de selección ten que garanti-lo requisito de publicidade de todo o devandito proceso selectivo para salvagarda-los dereitos de tódolos candidatos.
A comisión de selección ten que manter unha coherencia global na tramitación do devandito proceso selectivo e desde o seu inicio foron publicándose no Diario Oficial de Galicia tódalas resolucións que o afectaban.
Por todo iso,
DISPOÑO:
Primeiro.-De conformidade coas bases da convocatoria do proceso selectivo anúnciase que as cualificacións da proba teórico-práctica estarán expostas desde a data desta resolución no taboleiro de anuncios da Empresa Pública de Obras e Servicios Hidráulicos na súa sede na avenida Rodríguez de Viguri 47, baixo B, de Santiago de Compostela.
Segundo.-A entrevista persoal terá lugar o día 3 de novembro de 1999 a partir das 17 horas na sala de xuntas da Comisión Superior de Urbanismo da Consellería de Política Territorial, Obras Públicas e Vivenda da Xunta de Galicia, edificios administrativos San Caetano, Santiago de Compostela. Os candidatos deberán comparecer á entrevista provistos do documento nacional de identidade.
Santiago de Compostela, 26 de outubro de 1999.
Agustín Hernández Fernández de Rojas
Presidente da Comisión de Selección