A Sociedade de Imaxe e Promoción Turística de Galicia, S.A. anuncia a convocatoria para a contratación laboral fixa das seguintes prazas:
a) Posto: profesor de idiomas-alemán (Ref. AL-1299).
1. Funcións principais: dependendo do responsable do departamento, preparará e impartirá as materias do idioma alemán, incluíndo o material docente, así como a impartición de clases e a avaliación de alumnos.
2. Prazas: 1 (xornada completa).
3. Requisitos:
-Titulación universitaria.
-Estadía de 1 ano en país onde o alemán sexa idioma oficial.
-Experiencia docente de 1 ano.
-Dominio de alemán oral e escrito.
4. Valorarase:
-Currículo.
-Coñecementos de inglés e francés.
-Aptitude docente.
-Ofimática.
-Capacidade de integración en grupos de traballo.
5. Probas que se van realizar:
-Exame oral e escrito de alemán (eliminatorio).
-Impartición de clase.
-Planificación docente.
-Proba práctica de Microsoft Word 97.
-Entrevista persoal.
-Cuestionario de personalidade.
b) Posto: profesor de prácticas de cociña (Ref. COC-1399).
1. Funcións principais: sempre baixo a supervisión do responsable do departamento, colaborar no deseño das materias relacionadas coa formación en cociña (incluíndo elaboración do material, impartición de clases e avaliación de alumnos), así como coordina-la formación coa xestión dos puntos de venda do CSHG.
2. Prazas: 1 (xornada completa).
3. Requisitos:
-Titulación oficial ou específica na área.
-Experiencia docente.
-Experiencia profesional na área de 18 meses, dos que un mínimo de 6 serán como 2º de cociña (ou posto superior).
4. Valorarase:
-Currículo.
-Coñecementos da área.
-Coñecementos de inglés e/ou francés.
-Aptitude docente.
-Ofimática.
-Capacidade de integración en grupos de traballo.
5. Probas que se van realizar:
-Exame eliminatorio de coñecementos da área (ver temario anexo).
-Impartición de clase.
-Planificación docente.
-Proba práctica de Microsoft Word 97.
-Proba escrita e oral de inglés e/ou francés.
-Entrevista persoal.
-Cuestionario de personalidade.
c) Documentación que hai que presentar.
-Solicitude por posto ó que se opta, indicando a referencia, dirixida ó director do CSGH (A Barcia. Estrada Santiago de Compostela-Noia, km 3. Apartado 578. 15896 Santiago de Compostela).
-Currículo.
-Acreditación orixinal dos méritos reflectidos no C.V. Os títulos obtidos no estranxeiro deberán estar validados en España.
-Certificación académica que indique as cualificacións obtidas na titulación requirida e o número de convocatorias por materia.
d) Prazo de presentación de solicitudes.
O prazo de presentación de solicitudes será de 10 días hábiles contados a partir do seguinte ó da publicación deste anuncio no Diario Oficial de Galicia.
e) Selección.
Expirado o prazo de presentación de solicitudes, o comité de selección designado publicará as listas previas de admitidos e excluídos.
Santiago de Compostela, 4 de outubro de 1999.
Heriberto Verdes Vilaseca
Director xerente de Turgalicia, S.A.
ANEXO
Profesor de prácticas de cociña
Proba de coñecementos.
1. Equipamento e maquinaria en cociña.
2. Tratamento dos alimentos.
3. Fondos e salsas.
4. Métodos de cocción.
5. Hixiene en cociña.
6. Organización do traballo e a brigada de cociña.
7. Elaboración e planificación de menús e cartas.
8. Recepción de mercadorías e almacenado.
9. Xestión de stocks.
10. Control de custos en cociña e fixación de prezo de venda.