De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan a incoación do expediente sancionador por infracción da Lei 7/1992, do 24 de xullo, de pesca fluvial de Galicia.
Que, así mesmo, designo instructora do expediente a Pilar Pita Ponte e secretaria a Mercedes Valdés Rodríguez.
O que se notifica para os efectos previstos no artigo 29 da devandita Lei de réxime xurídico das administracións públicas e do procedemento administrativo común, podendo recusalas en calquera momento do expediente por algunha das causas previstas no artigo 28 da citada lei.
Para os efectos previstos na Lei de réxime xurídico das administracións públicas e do procedemento administrativo común, os denunciados disporán dun prazo de quince días hábiles, contados a partir do seguinte ó da publicación desta notificación, para formularen as alegacións, achegaren os documentos ou as probas que conveñan ó seu dereito, advertíndolles que, de non efectuaren alegación ningunha no prazo fixado, este acordo de incoación poderá ser considerado proposta de resolución, se se dan os supostos previstos no artigo 13 do Real decreto 1398/1993, do 4 de agosto (BOE do 9).
Pontevedra, 15 de setembro de 1999.
José Luis Díez Yáñez
Delegado provincial de Pontevedra
ANEXO
Expediente: 99/1999.
Denunciado: Celso Iglesias Blanco, enderezo: Alpajes 71-1º Esq. Aranjuez-Madrid.
Feitos denunciados: pescar utilizando engado de uso non permitido en masas de augas salmoneiras (miñoca). Feitos denunciados ás 12 horas do día 16 de maio de 1999 no río Ulla-S. Miguel de Castro, no concello da Estrada.
Data do acordo da incoación: 29-6-1999.
Precepto infrinxido: 33.9º da Lei 7/1992, de pesca fluvial de Galicia.
Precepto sancionador: 33 da Lei 7/1992, de pesca fluvial de Galicia.
Sanción: 15.000 ptas.
Expediente: 101/1999.
Denunciado: Javier Besada Valcence, enderezo: Tomás Alonso 46-6º C Vigo.
Feitos denunciados: pescar no couto de Ponteareas sen a licencia de pesca e sen permiso de couto. Feitos acontecidos ás 18.15 horas do día 19 de maio de 1999, no río Tea, ó seu paso por Pías, do concello de Ponteareas.
Data do acordo da incoación: 29-6-1999.
Precepto infrinxido: 34.1º da Lei 7/1992, de pesca fluvial de Galicia.
Precepto sancionador: 34 da Lei 7/1992, de pesca fluvial de Galicia.
Sanción: 55.000 ptas.
Inhabilitación: para obte-la licencia de pesca durante un ano, quedando obrigado a entregala no Servicio de Medio Ambiente Natural, no prazo de dun mes desde que a sanción sexa firme.
Expediente: 115/1999.
Denunciado: Alfonso Piñeiro Castro, enderezo: Cristiñade-Urcela, 50 Ponteareas.
Feitos denunciados: con motivo de ter finalizado o prazo de 15 días establecido polo réxime especial para retira-las estacadas e demais instalacións, comprobouse que os titulares da estacada conxunta 18-19 do segundo tramo, transcorrido o dito prazo, abandonaron no lugar parte das instalacións afectas á dita estacada, deixando o contorno cheo de lixo, unha estructura de madeira recuberta de lona de plástico, construída polos pescadores titulares da estacada para gorecerse da chuvia e o frío, das seguintes medidas 2x2 metros; así mesmo obsérvanse ciscados polo contorno do lugar botellas de vidro, plástico e un bidón. Feitos denunciados ás 8.45 horas do día 21 de maio de 1999, no río Tea, na marxe dereita, no lugar de Ceña de Angoares, no concello de Ponteareas.
Data do acordo da incoación: 9-8-1999.
Precepto infrinxido: 34.16º da Lei 7/1992, de pesca fluvial de Galicia.
Precepto sancionador: 34 da Lei 7/1992, de pesca fluvial de Galicia.
Sanción: 400.000 ptas. que pagarán conxunta e solidariamente tódolos denunciados deste expediente.
Inhabilitación: para obte-la licencia de pesca e para o exercicio desta actividade durante un ano, debendo
entregar, se é o caso, a licencia de pesca no Servicio Provincial de Medio Ambiente Natural no prazo dun mes contado desde que a sanción sexa firme.
Expediente: 151/1999.
Denunciado: Viales y Puentes, enderezo: Viso de Calvos, 41 Sabarís-Baiona.
Feitos denunciados: esgota-lo volume de auga circulante polo leito do río, por unha obra feita nel (pequena presa), empregando substancias tóxicas (cemento), derivando danos á riqueza piscícola (mortandade de troitas). Feitos denunciados ás 10 horas do día 14 de xullo de 1999, no río Carancouba/Miñor, ó seu paso por Devesa-Sabarís, do concello de Baiona.
Data do acordo da incoación: 24-8-1999.
Precepto infrinxido: 35.9º da Lei 7/1992, de pesca fluvial de Galicia.
Precepto sancionador: 35 da Lei 7/1992, de pesca fluvial de Galicia.
Sanción: 6.100.000 ptas.
