DOG 208 do 27/10/1999 - RESOLUCIÓN do 21 de outubro de 1999 pola que se anuncia a licitación, mediante procedemento aberto por concurso e trámite urxente, da contratación das obras da 2ª fase da intervención na torre do castelo de Vilaxoán, torre de Caldaloba, Cospeito (Lugo).

VI. ANUNCIOS

DA ADMINISTRACIÓN AUTONÓMICA

CONSELLERÍA DE CULTURA, COMUNICACIÓN SOCIAL E TURISMO

RESOLUCIÓN do 21 de outubro de 1999 pola que se anuncia a licitación, mediante procedemento aberto por concurso e trámite urxente, da contratación das obras da 2ª fase da intervención na torre do castelo de Vilaxoán, torre de Caldaloba, Cospeito (Lugo).

A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, da seguinte contratación:

-Obras da 2ª fase da intervención na torre do castelo de Vilaxoán, torre de Caldaloba, Cospeito (Lugo).

-Orzamento de licitación: doce millóns cento trinta e cinco mil cento oitenta e oito pesetas (12.135.188 ptas.), IVE incluído.

-Prazo de execución: tres meses (3).

-Garantía provisional: dispensada.

-Clasificación do contratista: grupo K, subgrupo 7, categoría c.

-Exposición da documentación: o prego de cláusulas administrativas e o proxecto de obra estarán de manifesto no Servicio de Obras e Contratación da Consellería de Cultura, Comunicación Social e Turismo e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.

-Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.

-Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se tramitan por correo, haberá que aterse ó previsto na cláusula 7.2 do prego de cláusulas administrativas particulares.

-Documentación que presentarán os licitadores: a establecida pola cláusula 7 do prego de cláusulas administrativas particulares.

-Apertura de proposicións: será realizada pola mesa de contratación, ás 11 horas do quinto día natural seguinte ó do remate do prazo de admisión de proposicións, na sala de xuntas da Consellería de Cultura, Comunicación Social e Turismo.

Se coincidise en sábado ou festivo, terá lugar o inmediato día hábil seguinte á mesma hora.

-O importe do anuncio do presente concurso será por conta do adxudicatario.

Santiago de Compostela, 21 de outubro de 1999.

P.D. (Orde 15-12-1997)

Andrés González Murga

Secretario xeral da Consellería de Cultura,

Comunicación Social e Turismo