Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Eléctrica-Fenosa, S.A.

Domicilio social: Avda. de Arteixo, 171, 15000 A Coruña.

Denominación: L.M.T., C.T. e R.B.T. Fontorto e Aldín.

Situación: Mesía.

Descricións técnicas: L.M.T. aérea a 15/20 kV, sobre apoios metálicos tubular (1) e de formigón (5) e con conductor LA-56, de 809 m de lonxitude, con orixe no apoio nº 13 da liña que alimenta o C.T. Boado-Pazo e final no C.T. Fontorto por instalar. Centro de transformación, tipo intemperie, de 500 kVA e tensións de 15/0,380-0,220 kV, en Fontorto, do que parte a R.B.T., sobre apoio de formigón e conductor R.Z., de 15 m de lonxitude. Concello de Mesía.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre auto

rización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.

A Coruña, 16 de setembro de 1999.

Jesús Espada Martínez

Delegado provincial da Coruña