Aprobado inicialmente pola Comisión de Goberno, en sesión do 16 de setembro de 1999, o proxecto técnico de parque público de Vila de Cruces, redactado polo arquitecto Carlos Rosón Gasalla, queda exposto ó público na secretaría deste concello, durante o prazo de catro días hábiles que empezarán a contarse desde o día seguinte ó da inserción deste edicto no BOP, para efectos de exame e reclamacións.

Na mesma sesión tamén se aprobaron os pregos de cláusulas administrativas que rexerán o concurso público urxente e procedemento aberto da obra de parque público de Vila de Cruces, expóñense ó público por un prazo de catro días hábiles, para os efectos de que os interesados poidan examinalos e formula-las alegacións que consideren oportunas. Pola súa vez, convócase licitación pública para a adxudicación da citada obra, que quedaría aprazada no suposto de presentarse reclamacións ó proxecto técnico ou ó prego, reanudándose, o que reste, a partir do día seguinte da resolución das reclamacións.

Obxecto do contrato: é a adxudicación, mediante concurso polo procedemento aberto, da obra de parque público de Vila de Cruces.

Tipo de licitación: é de 7.983.146 pesetas, con IVE incluído.

Prazo de execución: será o fixado na correspondente cláusula do prego de condicións.

Garantías: a provisional establécese en 159.663 pesetas, e a definitiva igual ó 4% do importe de adxudicación.

Prazo de presentación de proposicións: presentaranse na secretaría do concello, das 9 ás 13 horas, durante o prazo de 13 días naturais, contados desde o día seguinte ó da última publicación deste anuncio no BOP ou DOG.

Apertura de plicas: terá lugar ás dez horas do primeiro día hábil seguinte a aquel en que termine o prazo de presentación de proposicións. Se este fose sábado, terá lugar o primeiro día hábil seguinte.

Criterios de adxudicación: serán os fixados na cláusula 2ª do prego de condicións.

Modelo de proposicións: o recollido na correspondente cláusula do prego. Os licitadores presentarán simultaneamente coa proposición, e en sobre cerrado, os documentos que se indican na referida cláusula.

Gastos: serán por conta do adxudicatario os gastos dos anuncios así como tódolos derivados do contrato.

Vila de Cruces, 30 de setembro de 1999.

O alcalde-presidente

Rubricado