A Consellería de Cultura, Comunicación Social e Turismo, unha vez cumpridos os trámites administrativos correspondentes, resolve anuncia-la contratación, polo procedemento aberto e polo trámite de urxencia, mediante concurso, dunha asistencia técnica para recollida de datos sobre establecementos turísticos de Galicia clasificados como cafés, bares, tabernas, pubs, discotecas e salas de festas.
Orzamento de licitación: oito millóns cincocentas dezaseis mil cen (8.516.100) pesetas, no que se inclúen tódolos impostos e taxas legalmente esixibles.
Prazo de execución: tres meses desde a sinatura do contrato.
Garantía provisoria: non é esixible.
Clasificación: non se require.
Exposición dos pregos: os pregos de cláusulas administrativas e de precricións técnicas que rexen na contratación atópanse á disposición dos interesados no Servicio de Fomento e Promoción da Direc
ción Xeral de Turismo da Consellería de Cultura, Comunicación Social e Turismo, así como nas súas delegacións provinciais.
Prazo de presentación de proposicións: ata as 14 horas do décimo terceiro día natural, contado desde o seguinte ó da publicación desta resolución no Diario Oficial de Galicia.
Lugar e presentación de proposicións: no rexistro auxiliar da Dirección Xeral de Turismo da Consellería de Cultura, Comunicación Social e Turismo consonte o determinado na cláusula 3.2.4 do prego de cláusulas administrativas que rexen a contratación. Así mesmo, será posible a presentación de ofertas ó abeiro do determinado no artigo 100 de Regulamento xeral de contratación.
Documentación que deben presenta-los licitadores: a determinada na cláusula 3.2.4 do prego de cláusulas administrativas que rexen a contratación.
Lugar e data de apertura de proposicións: na sala de xuntas da Consellería de Cultura, Comunicación Social e Turismo, pola mesa de contratación e ás 11 horas do quinto día natural seguinte ó do remate do prazo de admisión de solicitudes. De coincidir en sábado ou festivo a referida data, o acto de apertura terá lugar o inmediato día hábil seguinte no mesmo lugar e hora.
O importe deste anuncio será por conta do adxudicatario.
Santiago de Compostela, 8 de outubro de 1999.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo