Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Hidroeléctrica Laracha, S.L.

Domicilio social: Tte. Gral. Gómez Zamalloa, 9-1º 15000 A Coruña.

Denominación: R.B.T. Bouza e Campo Medado.

Situación: Laracha.

Descricións técnicas: reforma rede de baixa tensión a 380-220 voltios, dos CC.TT. de Bouza de 315 m e Campo Medado de 510 m, en conductor R.Z. Concello de Laracha.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria

e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.

A Coruña, 16 de setembro de 1999.

Jesús Espada Martínez

Delegado provincial da Coruña