Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Eléctrica-Fenosa, S.A.
Domicilio social: Sáenz Díez, 45, 32003 Ourense.
Denominación: L.M.T.S. saídas subestación San Cibrao.
Situación: San Cibrao das Viñas.
Descricións técnicas: 3 L.M.T. subterráneas a 20 kV en conductor R.H.V.-12/20 kV:
1ª de 980 metros de lonxitude, con orixe na subestación de San Cibrao e remate nas saídas 2, 6 e 7.
2ª de 210 metros, con orixe na saída 7 da subestación e remate no C.T. nº 3.
3ª de 660 metros, con orixe no C.T. nº 3 e remate na L.M.T. de C.T. diario de Ourense.
Acondicionamento do C.T. nº 3 de 630 kVA, R/T 20.000/380-220 V.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.
Ourense, 13 de setembro de 1999.
Alfredo Cacharro Pardo
Delegado provincial de Ourense