O Instituto Galego da Vivenda e Solo, con data do 5 de febreiro de 1992, asinou un convenio co Concello de Ribadavia para a creación dun parque empresarial no municipio.

O Concello de Ribadavia, en sesión do día 14 de setembro de 1998, adoptou un acordo polo que se aproba definitivamente o plan parcial do parque empresarial de Ribadavia.

Este plan parcial determina como sistema de actuación para a súa execución o sistema de expropiación, o que implica a declaración de utilidade pública das obras e a necesidade de ocupación dos terreos e edificios correspondentes, para os fins de expropiación ou imposición de servidume, de acordo co disposto no artigo 33 da Lei 6/1998, do 13 de abril, sobre réxime de solo e valoracións e o artigo 54 da Lei 1/1997, do 24 de marzo, do solo de Galicia.

Os bens e dereitos afectados pola expropiación estan comprendidos dentro do ámbito do polígono

nº 1 de actuación delimitado no plan parcial do parque empresarial de Ribadavia, e están cocretados na relación de propietarios e titulares de bens e dereitos que se precisan ocupar que se recolle no documento do plan parcial.

Na súa virtude, acórdase o inicio do expediente de expropiación forzosa polo procedemento de taxación conxunta dos bens e dereitos afectados pola construcción do polígono nº 1 do parque empresarial de Ribadavia.

De conformidade co previsto no artigo 145 da Lei 1/1997, do 24 de marzo, do solo de Galicia, sométese a información pública o expediente de expropiación dos bens e dereitos que se precisan ocupar para a execución do polígono nº 1 do parque empresarial de Ribadavia, para que quen poida resultar interesado formule as observacións e reclamacións que considere convenientes, en particular no que res

pecta á titularidade ou valoración dos seus respectivos dereitos.

Acórdase a súa publicación no Diario Oficial de Galicia e nun xornal dos de maior circulación da provincia. Así mesmo, as taxacións notificaránselles individualmente ós que aparezan como titulares de bens ou dereitos no expediente, para que poidan formular alegacións no prazo dun mes, contado a partir da data de notificación.

Durante o dito prazo, todas aquelas persoas ou entidades que se consideren afectadas poderán preseta-las alegacións que consideren oportunas, por triplicado exemplar, no Rexistro da Xefatura da Área Provincial do Instituto Galego da Vivenda e Solo, sita na rúa Sáez Díez, 43, 32071-Ourense.

Santiago de Compostela, 5 de outubro de 1999.

José Antonio Rondodo López

Director xeral do Instituto Galego da Vivenda e Solo

Relación de propietarios do parque empresarial de Ribadavia