Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación de Amigos do Camiño de Santiago da Peroxa, con data do 10 de setembro de 1999.
Visto o Decreto 224/1994, do 2 de xuño, polo que se crea o referido rexistro.
Visto igualmente o informe a Xerencia de Promoción do Camiño de Santiago, emitido de acordo co artigo 3.
Considerando que a solicitude presentada cumpre as normas establecidas no decreto de referencia
RESOLVO:
Que a Asociación de Amigos do Camiño de Santiago da Peroxa quede inscrita no Rexistro de Entidades de Promoción do Camiño de Santiago co número 107.
Santiago de Compostela, 16 de setembro de 1999.
P.D. (Orde 15-12-1997, DOG do 17 de decembro)
Andrés González Murga
Secretario xeral da Consellería de Cultura,
Comunicación Social e Turismo