De conformidade co establecido no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, pola presente cédula ponse en coñecemento da empresa Galaicagás, S.L. o laudo arbitral dictado, o día 20 de maio de 1999, polo Colexio Arbitral nomeado para resolve-la reclamación formulada por Carmen García Rúa contra a devandita empresa.

Empresa reclamada: Galaicagás, S.L.

Enderezo: Ítalis, 21-1º B Fuenlabrada (Madrid)

Reclamante: Carmen García Rúa.

Laudo:

O Colexio Arbitral, segundo o seu leal saber e entender, pronunciou o seguinte laudo en equidade:

Toda vez que por tratarse dunha instalación nova non era necesaria a revisión efectuada e esta ademais fíxose sen te-la solicitado a reclamante estímase a reclamación formulada por Carmen García Rúa debendo a empresa Galaicagás, S.L. aboarlle a esta, a cantidade de tres mil duascentas cincuenta (3.250) pesetas que serán remitidas ó seu domicilio mediante xiro postal ou por calquera outro medio que ámbalas dúas partes, de mutuo acordo, estimen máis conveniente.

O devandito laudo foi adoptado por unanimidade.

O prazo para o cumprimento deste laudo é de 10 días a partir da súa notificación.

Notifíquese ás partes o presente laudo, facéndolles saber que ten carácter vinculante e executivo e que é eficaz desde o día da súa notificación, así como que contra este cabe, o recurso de anulación de acordo co previsto no artigo 45 e seguintes da Lei 36/1988, do 5 de decembro, de arbitraxe.

Dentro dos cinco días seguintes á notificación poderalle pedir ó Colexio Arbitral que corrixa cal

quera erro de cálculo, de copia, tipográfico ou similar ou que aclaren algún concepto escuro ou omisión do laudo.

Santiago de Compostela, 10 de setembro de 1999.

Carlos Rodríguez Montero

Secretario do Colexio Arbitral