De conformidade coa proposta elevada pola comisión constituída para xulga-lo concurso convocado por resolución desta universidade do 20 de xaneiro de 1998 (BOE do 11 de febreiro) para a provisión da praza de profesor titular de universidade, da área de coñecemento de dereito procesual, do departamento de Dereito Público Especial, da Universidade de Santiago de Compostela, a favor de Bernardino José Varela Gómez, tendo en conta que o interesado cumpre os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto,

de reforma universitaria e demais disposicións que a desenvolven, resolveu nomear a Bernardino José Varela Gómez, profesor titular de universidade da área de coñecemento de dereito procesual, do departamento de Dereito Público Especial, da Universidade de Santiago de Compostela.

Santiago de Compostela, 17 de setembro de 1999.

F. Darío Villanueva Prieto

Rector da Universidade de Santiago de Compostela