Visto pola sección segunda da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 02/0005149/1996, interposto por Ramón Lago Rodríguez contra certificación de acto presunto da Consellería de Política Territorial, Obras Públicas e Vivenda do 12 de marzo de 1996 recaída en recurso ordinario U-211/1995, interposto contra Resolución do 23 de novembro de 1994, da Comisión Provincial de Urbanismo de Pontevedra, pola que se deu aprobación definitiva a unha disposición transitoria das normas subsidiarias do Concello de Moaña, expediente 13/1994; dictouse a sentencia 318/1999, do 29 de abril, agora firme, pola que se estimaba o dito recurso.
Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdicción contencioso-administrativa, e co fin de levar a puro e debido efecto a dita sentencia, este departamento resolve darlle publicidade á parte dispositiva da sentencia número 318/1999, do 29 de abril, que a seguir se transcribe:
«Resolvemos: que debemos estimar e estimámo-lo recurso contencioso-administrativo interposto por Ramón Lago Rodríguez, contra a desestimación por silencio administrativo interposto pola Consellería de Política Territorial, Obras Públicas e Vivenda do recurso ordinario deducido contra resolución da
Comisión Provincial de Urbanismo de Pontevedra do 23 de novembro de 1994, pola que se dá aprobación definitiva a unha disposición transitoria das normas subsidiarias do Concello de Moaña contra a desestimación por silencio administrativo pola Consellería de Política Territorial, Obras Públicas e Vivenda do recurso ordinario deducido contra a resolución da Comisión Provincial de Urbanismo de Pontevedra do 23 de novembro de 1994, pola que se dá aprobación definitiva a unha disposición transitoria das normas subsidiarias do Concello de Moaña, anulámo-la dita resolución por ser disconforme a dereito; sen facer especial condena en costas».
Santiago de Compostela, 23 de setembro de 1999.
P.D. (Orde 13-12-1993)
José Antonio Fernández Vázquez
Secretario xeral de Política Territorial,
Obras Públicas e Vivenda