Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa, S.A.
Enderezo social: Avda. García Barbón, 38, 36201 Vigo.
Denominación: L.M.T. e C. distribución na Avda. Montero Ríos-aparcamento.
Situación: Vigo.
Descricións técnicas: L.M.T., subterránea, a 15 kV, de 265 m de lonxitude, con conductor tipo
R.H.V., desde a liña Tro 7.12 entre os CC.TT. H. Bahía e mercado, alimentando en bucle o C. distribución que se proxecta na Avda. Montero Ríos, concello de Vigo. Centro de distribución cun conxunto de celdas compactas SF6.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Pontevedra, 30 de agosto de 1999.
Carmen Bianchi Valcarce
Delegada provincial de Pontevedra