A orde da Consellería da Presidencia e Administración Pública do 22 de abril de 1999 (DOG do 7 de maio), aprobaba as bases para a convocatoria de axudas para a realización de proxectos de investigación de innovación (anexo I) e proxectos de investigación de innovación empresarial (anexo II) do programa de apoio á innovación do Plan Galego de Investigación e Desenvolvemento Tecnolóxico.

Nas bases 4 e 9 dos anexos I e II respectivamente, da mencionada orde de convocatoria, determinábanse os criterios de selección que deberían ter en conta os membros das respectivas comisións designados polo secretario xeral de Investigación e Desenvolvemento.

Na súa virtude, atendendo á proposta elaborada polas citadas comisións, esta secretaría xeral

RESOLVE:

Primeiro.-Concedérlle-las axudas para a realización de proxectos de investigación de innovación ás persoas que se relacionan no anexo I desta resolución, na contía e polas anualidades que en cada caso se sinalan.

Estas axudas corresponden á totalidade da subvención necesaria para a realización do correspondente proxecto de investigación incrementada nun 10% destinado ós gastos institucionais que a súa execución supón ó organismo ó que pertence o investigador responsable.

Segundo.-As solicitudes que non figuran relacionadas no mencionado anexo I e que foron admitidas para participar neste concurso entenderase que quedan denegadas por non conseguiren, no proceso de selección, a orde de prioridade imposta polas dispoñibilidades orzamentarias.

Terceiro.-Concederlle-las axudas axudas para a realización de proxectos de investigación de innovación empresarial ás empresas que se relacionan no anexo II desta resolución, na contía e polas anualidades que en cada caso se sinalan.

Cuarto.-As solicitudes que non figuran relacionadas no mencionado anexo II e que foron admitidas para participar neste concurso entenderase que quedan denegadas por non conseguiren, no proceso de selección, a orde de prioridade imposta polas dispoñibilidades orzamentarias.

Quinto.-O incumprimento por parte dos beneficiarios de calquera das bases establecidas na orde de convocatoria do 22 de abril de 1999 (DOG do 7 de maio), suporá a perda do dereito a percibi-la axuda correspondente.

Sexto.-Contra esta resolución poderase interpoñer recurso de alzada ante o conselleiro da Presidencia e Administración Pública no prazo dun mes contado a partir do día seguinte ó da data da súa publicación no DOG, de acordo co disposto nos artigos 114 e seguintes da Lei 4/1999, do 13 de xaneiro, que modifica a Lei 30/1992, de réxime xurídico das administracións públicas e do procedemento administrativo común. Sen embargo, os interesados poderán interpoñer calquera outro recurso que consideren oportuno.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 17 de setembro de 1999.

Miguel Ángel Ríos Fernández

Secretario xeral de Investigación e Desenvolvemento

ANEXO I

ANEXO II