Aprobado inicialmente pola Comisión de Goberno, en sesión do 22 de xullo de 1999, o proxecto técnico do concurso para a adquisición de 8 monolitos de

sinalización, redactado polo arquitecto Carlos Rosón Gasalla, exponse ó público durante o prazo de quince días hábiles, que comezarán a contarse desde o día seguinte ó da inserción deste anuncio no BOP, para efectos de exame e reclamacións.

Na mesma sesión aprobouse o prego de cláusulas económico-administrativas que rexerán o dito concurso, o cal se expón ó público durante o prazo de oito días hábiles, contados a partir do seguinte ó da publicación deste anuncio no BOP, para efectos de reclamacións.

Simultaneamente anúnciase o correspondente concurso, aínda que este se aplazaría, de resultar necesario, no caso de que se formulen reclamacións contra o prego de condicións.

Obxecto: contratación por concurso da adquisición de 8 monolitos de sinalización, para o municipio de Vila de Cruces.

Tipo de licitación: 8.352.000 pesetas.

Prazo de entrega: cuatro meses desde a notificación da adxudicación.

Exame do expediente: na secretaría do concello, das 9 ás 13 horas, durante o prazo de presentación de proposicións.

Fianza: a provisional establécese en 167.040 pesetas e a definitiva igual ó 4% do importe da adxudicación.

Presentación de proposicións: na secretaría municipal, das 9 ás 13 horas, durante o prazo de 26 días naturais contados a partir do día seguinte ó da última publicación deste anuncio no BOP ou DOG.

Apertura de plicas: terá lugar ás dez horas do primeiro día hábil seguinte a aquel en que termine o prazo de presentación de proposicións. Se este coincidise en sábado, terá lugar o primeiro día hábil seguinte.

Criterio de adxudicación: serán os fixados na cláusula XIII do prego de condicións.

Modelo de proposición: o recollido na correspondente cláusula do prego. Os licitadores presentarán simultaneamente coa proposición, en sobre á parte, os documentos que se indican na referida cláusula.

Gastos: serán por conta do adxudicatario os gastos de anuncios e impostos que procedan, incluídos o IVE e tódolos demais que orixine o expediente, así como os honorarios do proxecto e dirección de obra.

Vila de Cruces, 29 de xullo de 1999.

O alcalde-presidente

Rubricado