O artigo 28 do vixente Estatuto de autonomía de Galicia, establece no seu apartado 2º a competencia da Comunidade Autónoma galega no desenvolvemento lexislativo e a execución da lexislación do Estado en materia de expropiación forzosa.

As obras citadas no encabezamento da presente resolución, atópanse incluídas no programa de obras que se van realizar con cargo ó programa 413-B Construcción, conservación e explotación de estradas.

Por resolución da Dirección Xeral de Obras Públicas da Consellería de Política Territorial, Obras Públicas e Vivenda con data do 15 de outubro de 1998, aprobouse o correspondente proxecto de trazado.

O Consello da Xunta de Galicia, na súa reunión do día 5 de febreiro de 1999 (Decreto 30/1999), acordou declara-la utilidade pública das mencionadas obras e, así mesmo, a urxente ocupación dos bens afectados por estas, para os efectos do establecido no artigo 52 da vixente Lei de expropiación forzosa.

Na súa virtude, e en cumprimento do disposto nos artigos 52 da vixente Lei de expropiación forzosa do 16 de decembro de 1954, e 55 e seguintes do regulamento para a súa aplicación, este servicio en uso das facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran na relación exposta no taboleiro de anuncios dos concellos que a continuación se citan, para que comparezan nos lugares, datas e horas que se detallan, para proceder ó levantamento das actas previas á ocupación, nas que se recollerán os datos necesarios para determina-los dereitos afectados e os prexuízos dimanantes da rápida ocupación, sen prexuízo de trasladárense ó lugar dos predios se o consideran necesario.

Lugar: Casa do Concello de Ponteareas.

Día 21 de outubro de 1999, de 9 a 14 horas: do predio nº 001 ó predio nº 088.

Día 22 de outubro de 1999, de 9 a 14 horas: do predio nº 089 ó predio nº 155.

Día 25 de outubro de 1999, de 9 a 14 horas: do predio nº 156 ó predio nº 222.

Día 26 de outubro de 1999, de 9 a 14 horas: do predio nº 223 ó predio nº 281.

Día 27 de outubro de 1999, de 9 a 14 horas: do predio nº 282 ó último predio.

Lugar: Casa do Concello de Mondariz-Balneario.

Día 28 de outubro de 1999, de 9 a 14 horas: do predio nº 1001 ó último predio.

Lugar: Casa do Concello de Mondariz.

Día 29 de outubro de 1999, de 9 a 14 horas: do predio nº 2001 ó último predio.

Ó dito acto, deberán acudi-los titulares afectados persoalmente ou ben representados por persona debidamente autorizada para actuar no seu nome, achegando os documentos acreditativos da súa titularidade, documento nacional de identidade e o último recibo da contribución, podendo facerse acompañar, pola súa conta, e se o estiman oportuno, dos seus peritos e notario.

Así mesmo, e en cumprimento do establecido no artigo 56 do regulamento da Lei de expropiación forzosa, ábrese información pública durante o prazo de quince días naturais, contados a partir do seguinte ó da publicación desta resolución ou ata o momento do levantamento das actas previas á ocupación correspondente, co fin de que os interesados poidan formular por escrito, ante este Servicio Provincial de Estradas da Xunta de Galicia en Pontevedra, rúa Said Armesto nº 1, as alegacións que estimen per

tinentes, co obxecto de emendar posibles erros padecidos ó relaciona-los bens afectados pola urxente ocupación.

Fausto Núñez Vilar

Enxeñeiro xefe