En cumprimento da resolución da Alcaldía do 1-9-1999 e do disposto nos Arts. 79 da 13/1995, do 18 de maio, de contratos das administracións públicas e 326 da Lei 7/1997, do 22 de xullo, da Admón. local de Galicia, faise pública a licitación do seguinte

Contrato de obra.

1. Obxecto: dotación de servicios na rúa de enlace Avda. Galicia-rúa San Lázaro.

2. Tramitación: ordinaria.

3. Procedemento: aberto.

4. Sistema de adxudicación: poxa.

5. Prezo e financiamento: vintecinco millóns duascentas setenta e catro mil noventa e nove pesetas (25.274.099 ptas., 151.900,39 euros) IVE incluído con cargo á partida orzamentaria 99/432.600-02.

6. Prazo de execución: seis meses.

7. Período de garantía: un ano.

8. Fianza provisional: 505.482 ptas. (3.038,01 euros).

9. Fianza definitiva: 4% do orzamento do contrato 1.010.964 ptas. (6.076,02 euros).

10. Clasificación: como empresa de obras, grupo E, subgrupo 1, categoría c); grupo G, subgrupo 4, categoría c).

11. Presentación de ofertas: durante os 26 días naturais seguintes ó da publicación deste anuncio no DOG, cos requisitos do Art. 8 do prego de condicións, presentándoas no rexistro do concello ou remitíndoas por correo, comunicándolle neste caso mediante telegrama ou fax.

O prego do condicións económico-administrativas particulares está a disposición de tódolos contratistas interesados nas oficinas xerais do Concello de Ribadeo, Pza. de España nº 1, 27700 Ribadeo-Lugo, teléfono: 982 12 86 50, fax: 982 13 09 75, horario de atención ó público de 9 a 14 horas de luns a venres.

12. Modelo de proposición: Don/a...veciño/a de..., con enderezo en..., titular do DNI/NIF..., en nome propio (ou en representación de...), conforme acredito con poder verificado informado/a concurso tramitado polo Concello de Ribadeo para a adxudicación, mediante procedemento aberto, das obras de dotación de servicios na rúa de enlace Avda. Galicia-rúa San Lázaro manifesta o coñecemento e conformidade cos pregos de condicións económico administrativas particulares e de prescricións técnicas, e comprométese a executalas na forma determinada nos citados pregos por un prezo de... ptas. (en letra e número), e para tal efecto xunto proxecto técnico e memoria anexa que comprenda os seguintes extremos.

13. Apertura de proposicións: será realizada pola mesa de contratación en acto público, segundo a cláusula 11 do prego, dentro dos 10 días seguintes ó de remate de presentación de ofertas e logo de convocatoria dos licitadores.

Ribadeo, 1 de setembro de 1999.

José Carlos Rodríguez Andina

Alcalde