A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, atribúelles ás

comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado, situadas no seu territorio.

O acordo do Consello da Xunta de Galicia do 5 de marzo de 1999 faculta o conselleiro de Política Territorial, Obras Públicas e Vivenda para o exercicio das devanditas competencias.

Conforme o previsto no artigo 40 da Lei de portos do Estado e da mariña mercante, texto reformado pola Lei 62/1997, do 26 de decembro, disponse que a separación dos vocais do Consello de Administración será acordada polo órgano competente da Comunidade Autónoma a proposta das organizacións, organismos e entidades a que aqueles representen, polo que, recibida por proposta de nomeamento da FNTCM-UGT Galicia do seu representante, como organización na que recaen as competencias nesta materia, na súa calidade de organización sindical máis representativa trala realización de eleccións sindicais na Autoridade Portuaria da Coruña,

DISPOÑO:

Que cese Juan Vinagre Ríos como vocal do Consello de Administración da Autoridade Portuaria da Coruña, en representación da organización sindical máis representativa (Confederación Intersindical Galega), agradecéndolle os servicios prestados.

Santiago de Compostela, 11 de agosto de 1999.

José Cuíña Crespo

Conselleiro de Política Territorial,

Obras Públicas e Vivenda