Aprobado pola Comisión de Goberno, en sesión do 26 de xullo de 1999, o prego de cláusulas administrativas particulares e bases técnicas que rexerá o concurso tramitado para adxudicar, mediante procedemento aberto, tramitación ordinaria, o proxecto e a execución da obra acondicionamento Adro de Xil, convócase licitación pública para a adxudicación:
Obxecto do contrato: a adxudicación da redacción-presentación do proxecto e execución da obra: acondicionamento Adro de Xil, conforme o presente prego de cláusulas administrativas e bases técnicas,ó abeiro do artigo 125 da Lei 13/1995, do 18 de maio, de contratos das administracións públicas. Prazo de execución: tres meses desde a data de formalización do contrato. Tipo de licitación: 5.000.000 de ptas. Honorarios de redacción de proxecto e IVE incluídos. Garantías: provisoria: 100.000 ptas. Definitiva.
200.000 ptas. Entidade adxudicataria: Concello de Meaño. Tramitación: ordinaria. Procedemento: aberto. Forma: concurso. Obtención de documentación e información: Concello de Meaño, As Covas nº 20-Meaño, CP 36968 Teléfono: 986 74 71 02. Presentación de proposicións: Lugar e prazo: presentaranse no rexistro xeral do Concello de Meaño en horario de 9 a 13.30 horas no prazo de 26 días naturais contados a partir do seguinte ó da publicación do último anuncio de licitación (DOG ou BOP). Documentación: a esixida na base 9ª e segundo as formalidades da mesma. Apertura de proposicións: ás 13 horas do martes, xoves ou venres inmediatamente seguintes ó da data de remate de presentación de proposicións. Gastos de publicación: serán a cargo do adxudicatario.
Meaño, 29 de xullo de 1999.
Jorge Domínguez Rosal
Alcalde