Aprobado inicialmente pola Comisión de Goberno, en sesión extraordinaria do día 28 de xullo de 1999, o prego de cláusulas administrativas particulares que rexerá na contratación da obra que se menciona a continuación, queda exposto ó público polo prazo de oito días hábiles, contados desde o seguinte ó da publicación do presente edicto no último dos boletíns (BOP de Lugo, DOG) en que apareza publicado.
Anúnciase ó mesmo tempo a licitación, de conformidade co disposto no artigo 122 do Real decreto 781/1986, aínda que a licitación se aprazará no
caso de que se presenten reclamacións en contra do prego de condicións:
Título da obra:
Pavimentación dos accesos ós núcleos de poboación de Meda, Prebello, Navia, Barcia, Mera, Coea, Piñeiro e Vilagoncide.
Entidade adxudicadora:
a) Organismo: Concello de Navia de Suarna.
b) Dependencia que tramita o expediente: secretaría xeral.
Obxecto do contrato:
a) Descrición: pavimentación dos accesos ós núcleos de poboación de Meda, Prebello, Navia, Barcia, Mera, Coea, Piñeiro e Vilagoncide.
b) Lugar de execución: Navia de Suarna.
c) Prazo de execución: nove (9) meses.
Tramitación:
a) Carácter: urxente.
b) Procedemento: aberto.
c) Forma: concurso.
Orzamento base de licitación:
a) O orzamento de execución por contrata ascende a dezasete millóns oitocentas trinta e tres mil oitocentas noventa (17.833.890) pesetas, IVE incluído.
Garantía provisional e definitiva:
Garantía provisional: 356.678 pesetas.
Garantía definitiva: 4% do prezo de adxudicación.
Obtención de documentación e información:
Concello de Navia de Suarna, praza de España, número 1, localidade: A Pobra, código postal: 27650, teléfono: 982 36 51 66. Fax: 982 36 51 12, durante os 13 días naturais seguintes ó da publicación deste anuncio no último dos boletíns nos que apareza publicado (DOG ou BOP de Lugo).
Requisitos específicos do contratista:
Non se esixen.
Outros requisitos:
Non se esixen máis requisitos cós establecidos na lei.
Proposicións e documentación complementaria:
a) Data límite de presentación: 13 días naturais seguintes ó da publicación do anuncio no último dos boletíns (DOG ou BOP de Lugo) en que apareza publicado. Se o último día fose sábado ou inhábil, o prazo rematará o primeiro día hábil seguinte.
b) Documentación que hai que presentar: cláusula 13 do prego de condicións.
c) Lugar de presentación: rexistro de entrada do Concello de Navia de Suarna, en horario de 9 a 14 horas.
Apertura de ofertas:
Entidade: Concello de Navia de Suarna.
Domicilio: praza de España, número 1.
Localidade: Navia de Suarna.
Data: 5º día natural seguinte a aquel no que remate o prazo de presentación de proposicións, ás 12 horas. Se o día de apertura coincide con sábado ou inhábil, a apertura realizarase o primeiro día hábil seguinte.
Gastos de anuncios: todos por conta do contratista.
Navia de Suarna, 29 de xullo de 1999.
O alcalde
Rubricado