Por Orde do 2 de xuño de 1999 (Diario Oficial de Galicia nº 113, do 15 de xuño) convocouse a provisión, polo sistema de libre designación, de varios postos de traballo vacantes na Consellería de Medio Ambiente. Por Orde do 22 de xullo de 1999 resolveuse parcialmente a citada convocatoria.
En consecuencia, en uso das facultades e atribucións conferidas no artigo 15.4º da Lei 4/1988, do 26 de maio, da función pública de Galicia, modificada pola Lei 3/1995, do 10 de abril, e de conformidade co disposto no artigo 27.2º da referida lei, esta consellería
DISPÓN:
Primeiro.-Resolver definitivamente a convocatoria para a provisión, polo sistema de libre designación, de varios postos de traballo vacantes na Consellería de Medio Ambiente, anunciada pola Orde do 2 de xuño de 1999.
Segundo.-Declarar deserta a provisión dos seguintes postos:
Código de posto: MA.C05.00.001.15770.001.
Denominación do posto: xefe do Departamento de Educación e Información Ambiental.
Centro directivo: Centro de Información e Tecnoloxía Ambiental.
Código de posto: MA.C05.00.002.15770.001.
Denominación do posto: xefe do Departamento de Investigación e Tecnoloxía Ambiental.
Centro directivo: Centro de Información e Tecnoloxía Ambiental.
Código de posto: MA.C05.00.001.15770.005.
Denominación do posto: xefe da Área de Información, Formación e Educación Ambiental.
Centro directivo: Centro de Información e Tecnoloxía Ambiental.
Terceiro.-Contra esta orde, que esgota a vía administrativa, os interesados poderán interpoñer recurso de reposición ante este mesmo órgano no prazo dun mes, contado a partir do día seguinte ó da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1988, do 13 de xaneiro, ou poderán interpoñer recurso contencioso-administrativo ante o xul
gado do contencioso-administrativo competente no prazo de dous meses contados a partir do día seguinte ó da súa publicación.
Santiago de Compostela, 19 de agosto de 1999.
José Carlos del Álamo Jiménez
Conselleiro de Medio Ambiente