Aprobados os pregos de cláusulas económicas administrativas particulares que rexerán para a contratación das obras que se sinalan no presente anuncio e que se expoñen ó público na secretaría do concello polo prazo de oito días hábiles, contados desde o seguinte ó da súa publicación no BOP e DOG, para os efectos de presentación de reclamacións. Igualmente anúnciase a licitación das mesmas obras, mediante concurso aberto polo trámite de urxencia, podendo presentarse as ofertas na secretaría do concello durante o prazo de trece días naturais contados a partir do seguinte ó da publicación do anuncio no BOP e DOG, prazo que se interrompería no caso de presentación de alegacións contra os pregos de cláusulas económico administrativas.
Obras que se anuncian (título, plan, orzamento).
1. Acceso á Fraga e Vilariño. PIEL 99. 3.010.903 pesetas.
2. Acceso e abastecemento en Parada. PIEL 99. 5.083.649 pesetas.
3. Acondicionamento en Bergadas, Carreiras e Senderiz. Plan Base 99. 13.000.000 de ptas.
4. Rede de sumidoiro en Vilariño de Sta. Cristina e outros. Plan de Comarcas e Acción Especial. 7.404.000 pesetas.
Fianza provisional: 2% do orzamento da obra. Fianza definitiva: 4%.
Apertura de plicas: primeiro día hábil (agás sábado) posterior ó remate do prazo de presentación de ofertas.
Información e documentación: secretaría do concello, de 9 a 14 horas.
Teléfono: 988 45 85 13/988 45 85 45. Fax: 988 45 85 79.
Lobeira, 2 de agosto de 1999.
O alcalde
Rubricado