Acordo da Comisión de Goberno do 17 de agosto de 1999 polo que se anuncia concurso, en procedemento aberto e por trámite de urxencia, para a contratación das seguintes obras:

1. Acondicionamento e afirmado de accesos a núcleos e pistas (proxecto nº 210-1 do PIEL/1999).

2. Renovación da rede de abastecemento de auga na vila de Castro de Rei e Santa Leocadia. (Obra nº 0014 do P. Prov. de Cooperación ás O.S. Municipais/1999).

Tipo de licitación, IVE incluído:

a) Para a primeira obra: 22.501.373 ptas.

b) Para a segunda obra: 15.368.000 ptas.

Fianzas:

a) Para a primeira obra: provisional: 450.027 ptas. (2% do tipo). Definitiva: 900.055 ptas. (4% do tipo).

b) Para a segunda obra: provisional: 307.360 ptas. (2% do tipo). Definitiva: 614.720 ptas. (4% do tipo).

Ámbalas dúas poderán constituírse en calquera das formas admitidas na actual normativa de contratación.

Plicas: durante os 13 días naturais a partir do último anuncio no BOP de Lugo ou no DOG. Se o último día fose inhábil ou sábado, o prazo finalizará o primeiro hábil seguinte.

Apertura de plicas: terá lugar na casa do concello ás 12 horas do quinto día hábil seguinte ó da finalización do prazo de presentación de proposicións (excepto sábados).

Información e obtención de documentación: o modelo de proposición e información sobre a documentación a presentar, así como copia do prego de cláusulas administrativas particulares, poderá obterse nas oficinas municipais do Concello de Castro de Rei, das 9 ás 14 horas. Teléfono: 982 31 40 34, e telefax: 982 31 40 61.

As características peculiares e a documentación para tomar parte no concurso figuran no expediente que consta na Secretaría do Concello.

Castro de Rei, 17 de agosto de 1999.

Arturo Pereiro Vilariño

Alcalde