Nesta delegación provincial séguese expediente sancionador número P-8/1999, contra Fernando Martínez López, titular do establecemento denominado Mesón Urogallo e á empresa operadora Maquinaria Automática del Noroeste, S.A. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, publica-la proposta de resolución por resultar descoñecido o domicilio de Fernando Martínez López.

Proposta de resolución.

Primeiro.-Sanciona-la empresa operadora Maquinaria Automática del Noroeste, S.A., solidariamente cos seus xerentes ou apoderados, cunha multa de cen mil unha pesetas (100.001 ptas.), como responsable da infracción administrativa grave específicada no fundamento xurídico terceiro desta proposta de resolución.

Segundo.-Sancionar a Fernando Martínez López, titular do establecemento denominado Mesón Urogallo, sito en r/ Riveiro de Aguilar, número 5, do concello de Vilargarcía de Arousa, coa multa de cen mil unha pesetas (100.001 ptas.) como responsable da infracción administrativa grave especificada no fundamento xurídico terceiro desta proposta de resolución.

Fronte a esta proposta de resolución poderán os interesados, no prazo de oito días a partir do seguinte ó da súa notificación, alega-lo que ó seu dereito conveña, de conformidade co establecido no artigo 7.2º d) da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar.

Pontevedra, 9 de xullo de 1999.

Juan Girón Astray

Instructor