De conformidade co disposto no título IX da Lei 54/1997, do 27 de novembro, do sector eléctrico (BOE do 28 de novembro), e decretos 2617 e 2619/1966, do 20 de outubro, sobre instalacións eléctricas (BOE do 24 de outubro), de aplicación transitoria, incóase o expediente e sométese á información pública a solicitude de Electra del Jallas, S.A. con enderezo na Praza da Constitución nº 17 de Cee, como entidade beneficiaria, para a autorización administrativa; a declaración de utilidade pública, que levará implícita a urxente ocupación, para os efectos de expropiación forzosa e imposición de servidumes de paso sobre os bens

e dereitos que se afecten; e a aprobación do proxecto de execución das instalacións de:

Liña eléctrica aérea a 20 kV, sobre apoios de formigón e con conductor LA-56, de 231 m de lonxitude, con orixe na liña 3 Pontella-electrificación zona Pedreda 2ª fase (expediente 51422) e final en C.T. Vilastoso (expediente 51922) que se vai instalar. Centro de transformación intemperie, de 100 kVA e tensións de 20/0,380-0,220 kV, do que parte rede aérea de baixa tensión en conductor R.Z., de 45 m de lonxitude. Coa finalidade de mellora-la seguridade e calidade da subministración das zonas de Vilastose, Cenquiñeira e A Grixa. No termo municipal de Muxía (expediente 197/1999).

O que se fai público para coñecemento xeral en especial dos propietarios e demais titulares afectados dos que se insire relación no anexo desta resolución, así como as persoas que sendo titulares de dereitos reais ou intereses económicos sobre os bens afectados que fosen omitidos, para que poidan examina-lo expediente no que constan as características e afeccións derivadas do proxecto nesta Delegación Provincial, situada no edificio administrativo Monelos, s/n, 15071 A Coruña, e presenta-las alegacións oportunas no prazo de 30 días, contados desde o seguinte a última publicación desta resolución.

Esta publicación realízase igualmente para os efectos do artigo 59.4º da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares dos predios propostos como descoñecidos ou cando se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

A Coruña, 14 de xullo de 1999.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 197/1999. L.M.T., C.T. de VilastoseProvincia: A Coruña

Termo municipal: Muxía.

SoloVoo

NºParaxeCultivoNome e apelidosEnderezonº apoiommlm