Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Electra del Jallas, S.A.

Enderezo social: praza da Constitución, 17, 15000 Cee.

Denominación: L.M.T.S. Fisterra I-L.M.T.A. faro Fisterra.

Situación: Fisterra.

Descricións técnicas: L.M.T. subterránea a 20 kV de 495 m de lonxitude, en conductor R.H.V.-12/20 kV de 240 mm Al que parte do C.T. Fisterra I e final no paso aéreo-subterráneo da L.M.T. ó faro de Fisterra no lugar de Insua. Concello de Fisterra.

Cumpridos os trámites ordenados na Lei 54/1997, do 27 de novembro, nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente o seu dereito.

A Coruña, 13 de xullo de 1999.

Jesús Espada Martínez

Delegado provincial da Coruña