A Xerencia de Atención Primaria de Pontevedra-Vigo (área sur), en virtude das atribucións que lle foron delegadas conforme o establecido na Orde do 21 de abril de 1998, da Consellería de Sanidade e Servicios Sociais, convoca o seguinte concurso público:

Nº de expediente: 7/99 S.

1. Obxecto: contratación do servicio de distribución automática de bebidas, mediante a instalación de máquinas expendedoras, en varios centros dependentes desta Xerencia de Atención Primaria.

2. Orzamento: deste contrato non se derivará ningunha obriga económica con cargo ó orzamento de gastos do Servicio Galego de Saúde - Atención Primaria.

3. Prazo de execución: desde a sinatura do contrato ata o 31-12-1999. Sen prexuízo disto, o contrato poderá prorrogarse por acordo expreso das partes antes do seu remate e por períodos anuais sen que a duración total engadidas as prórrogas poida exceder de seis anos.

4. Fianzas:

a) Provisional: non se esixe.

b) Definitiva: será do 4% do canon anual a aboar polo adxudicatario.

5. Forma de adxudicación: concurso público, procedemento aberto.

6. Solvencia económica, financeira e técnica: acreditarase segundo o establecido no punto 8.2. 11) do prego de cláusulas administrativas particulares que rexen o presente concurso.

7. Criterios de adxudicación: os establecidos na cláusula décima do prego de cláusulas administrativas particulares que rexen o presente concurso.

8. Documentación de interese para os licitadores: o prego de cláusulas administrativas particulares e demais documentación complementaria pode ser solicitado na Xerencia de Atención Primaria, rúa México 26 - 1ª planta 36204 Vigo, teléfono: 986 81 64 66, en días hábiles desde as 9 ata as 14 horas.

9. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral desta Xerencia de Atención Primaria (rúa México, 26 - 4ª, 36204 - Vigo), antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou por correo no xeito indicado no artigo 100 do Regulamento xeral de contratación do Estado.

10. Apertura de proposicións: a apertura de proposicións será realizada pola mesa de contratación, reunida en acto público na sala de xuntas da Xerencia de Atención Primaria, rúa de México 26 - 6ª planta de Vigo, as 9 horas do décimo primeiro día natural contado desde o seguinte a aquel no que finalice o prazo de presentación das ofertas. No caso de que o dito día coincida en sábado ou festivo a apertura de proposicións terá lugar o primeiro día hábil seguinte.

11. Documentación que deberán achega-los licitadores: a sinalada no punto oito do prego de cláusulas administrativas particulares.

12. Anuncios: o pagamento dos anuncios do presente concurso correrá por conta do adxudicatario.

Vigo, 14 de xullo de 1999.

Alberto García Pazos

Director xerente de Atención Primaria

de Pontevedra-Vigo