Convocada a provisión, polo sistema de libre designación, dun posto de traballo vacante na Consellería de Cultura, Comunicación Social e Turismo, mediante Orde do 10 de maio de 1999 (DOG nº 100 do 27 de maio), de conformidade co establecido na base sexta da referida orde, esta consellería
RESOLVE:
Primeiro.-Adxudicarlle destino no posto de traballo que se indica ó funcionario que se relaciona no anexo I da presente orde.
Segundo.-O cesamento no destino actual do funcionario que obtivo praza producirase no prazo de tres días, contados a partir do seguinte ó da data da publicación desta orde no Diario Oficial de Galicia.
O prazo para a toma de posesión do novo destino será de tres días a partir do seguinte ó cesamento, de tratarse da mesma localidade en que actualmente o funcionario preste servicio, ou dun mes, se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima da convocatoria.
Terceiro.-O xefe do centro no que cause baixa o funcionario, así como o daquel no que obteña praza, consignará no título administrativo, dentro do prazo sinalado no punto anterior, a correspondente dilixencia de cesamento e toma de posesión, da que se lle dará traslado, mediante copia, á Dirección Xeral da Función Pública.
Cuarto.-Contra a presente orde, que esgota a vía administrativa, poderase interpor potestativamente recurso de reposición perante este mesmo órgano no prazo dun mes contado a partir do día seguinte ó da súa publicación, de conformidade co establecido na Lei 30/1992 de 26 de novembro, de réxime xurídico das administracións públicas e do procedemen
to administrativo común, según redacción dada pola Lei 4/1999 de 13 de xaneiro, ou poderase interpor recurso contencioso-administrativo perante o xulgado do contencioso-administrativo competente no prazo de dous meses contados a partir do día seguinte ó da súa publicación.
Santiago de Compostela, 27 de xullo de 1999.
Jesús Pérez Varela
Conselleiro de Cultura e Comunicación Social
ANEXO
Apelidos e nome: Destar Novoa Enrique Miguel.
NRP ou DNI: 34542594.
Grupo: C.
Corpo ou escala: xeral.
Posto de traballo: sección de habilitación.
Cód. posto: CUC020000315770009.
Nivel: 25.
Dependencia: Secretaría Xeral (Xerencia de Promoción do Camiño de Santiago).
Localidade: Santiago de Compostela.