Examinado o expediente instruído por instancia do titular do centro privado San Miguel 2 de Vigo, no que solicita autorización definitiva para imparti-los ciclos formativos de grao superior de administración e finanzas e desenvolvemento de productos electrónicos.
Tendo en conta que o expediente foi tramitado pola Delegación Provincial da Consellería de Educación e Ordenación Universitaria de Pontevedra, que se remite cos informes correspondentes.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Real decreto 777/1998 (BOE 8
de maio) polo que se desenvolven determinados aspectos da ordenación da formación profesional no ámbito do sistema educativo, Real decreto 1659/1994 (BOE do 30 de setembro) polo que se establece o título de técnico superior en administración e finanzas, Decreto 101/1999 (DOG do 23 de abril) polo que se establece o currículo do ciclo formativo de grao superior correspondente ó título de técnico superior en administración e finanzas, Real decreto 620/1995 (BOE do 9 de agosto) polo que se establece o título de técnico superior en desenvolvemento de productos electrónicos, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que desenvolve o antedito decreto.
Considerando que concorren no expediente os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa
DISPÓN:
Primeiro.-Autoriza-lo centro privado San Miguel 2 de Vigo, para poder imparti-los ciclos formativos de grao superior que se especifican no anexo desta orde.
Segundo.-Antes do inicio das ensinanzas que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia no dito centro.
Terceiro.-O centro que por esta orde se autoriza, deberá cumpri-la norma básica da edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Cuarto.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Santiago de Compostela, 20 de xullo de 1999.
Celso Currás Fernández
Conselleiro de Educación e Ordenación Universitaria
ANEXO
Provincia: Pontevedra.
Concello: Vigo.
Localidade: Vigo.
Enderezo: Tomás A. Alonso, 13.
Código do centro: 36011211.
Denominación: centro privado San Miguel 2.
Titular: Colegio San Miguel, S.L. y otros.
Ensinanzas que se autorizan:-Familia profesional: administración.
1 ciclo formativo de grao superior de Administración e finanzas (2 unidades, 30 postos/unidade).-Familia profesional: electricidade e electrónica.
1 ciclo formativo de grao superior de desenvolvemento de productos electrónicos (2 unidades, 30 postos/unidade).
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
d) Centro de formación profesional específica:
-1 ciclo formativo de grao superior de Administración e finanzas (2 unidades, 30 postos/unidade).-1 ciclo formativo de grao superior de desenvolvemento de productos electrónicos (2 unidades, 30 postos/unidade).
