O Pleno do Concello, en sesión do 30-7-1999, acordou inicia-los trámites para a contratación das obras que se indican, e para tal efecto aprobou o correspondente prego de cláusulas administrativas particulares que se expoñen xunto con este anuncio polo prazo de sete días para reclamacións, e ordenou anuncia-lo seguinte concurso público. Únese extracto do dito prego de cláusulas.
Extracto do prego.
Convocatoria de concurso: contratación da obra de abastecemento a Pousaflores incluída no Fondo de Cooperación Local para 1999 e no Plan Adicional ó de Comarcas de Acción Especial para 1999.
1. Entidade adxudicadora.
a) Organismo: Comisión de Goberno.
b) Dependencia que tramita o expediente: secretaría.
c) Número de expediente: 99-Ctr/002.
2. Obxecto do contrato.
a) Descrición do obxecto: obras de abastecemento en Pousaflores conforme o proxecto aprobado.
b) Prazo de execución: cinco meses.
c) Orzamento: 11.757.000 ptas.
3. Modalidade de adxudicación: concurso público, procedemento aberto e tramitación urxente.
4. Garantías.
a) Provisional: non se esixe.
b) Definitiva: 4% do tipo de adxudicación.
5. Obtención de documentación e información.
a) Entidade: Concello de Padrenda.
b) Domicilio: r/ San Roque, 17.
c) Localidade: Padrenda (C.P. 32226).
d) Teléfono: 988 49 47 83.
e) Fax: 988 49 47 00.
f) Data límite de obtención de documentación: o décimo terceiro día natural posterior á inserción deste anuncio no último diario oficial no que apareza publicado (de coincidir con festivo ou sábado postergarase ó seguinte día hábil).
6. Presentación das proposicións.
a) Data límite de presentación: o décimo terceiro día natural posterior á inserción deste anuncio no último diario oficial no que apareza publicado, sabendo que se insire tamén no BOP de Ourense (de coincidir con festivo ou sábado postergaríase ó seguinte día hábil), ás 14 horas.
b) Documentación que integrará as ofertas: a que se indica na cláusula correspondente do prego de condicións que rexe a contratación.
c) Lugar de presentación: persoalmente no rexistro xeral do concello (mesmos datos do punto 5). Non se admiten outras formas de presentación.
d) Prazo durante o cal o licitador está obrigado a mante-la súa oferta: ata a sinatura do contrato.
7. Apertura de ofertas.
a) Apertura do sobre de documentación:
a.1) Data e lugar: seguinte día hábil ó de remate do prazo de presentación de ofertas. Se fose sábado, realizaríase o seguinte día hábil. Sesión non pública na Casa do Concello de Padrenda.
a.2) Hora: 12 horas.
b) Apertura do sobre de proposición económica:
b.1) Data e lugar: seguinte día hábil ó da apertura do sobre de documentación. Se fose sábado, realizarase o seguinte día hábil. Sesión pública na Casa do Concello de Padrenda.
b.2) Hora: 12 horas.
8. Gastos de anuncios.
Serán sempre por conta do adxudicatario.
En Padrenda o 30 de xullo de 1999.
O alcalde
Rubricado