De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ás persoas que no anexo se mencionan que, con esta data resolvín publica-la proposta de resolución do procedemento
sancionador que se instrúe, por infracción administrativa á Lei 7/1992, do 24 de xullo, de pesca fluvial, (DOG nº 151, do 5 de agosto) e do seu regulamento, por non ser posible a súa notificación.
O interesado dispón dun prazo de quince días, contados a partir do seguinte ó de publicación desta notificación, para formular cantas alegacións coiden pertinentes. No mesmo prazo ponse o procedemento de manifesto para trámite de vista se o considera oportuno. O expediente pode ser examinado na delegación provincial desta consellería, sita no edificio administrativo de servicios múltiples Monelos, A Coruña.
Rematado o prazo que se sinala, esta proposta, xunto con tódolos documentos que constan nos expedientes, remitiránselle ó director xeral de Montes e Medio Ambiente Natural, para a resolución do procedemento.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).
A Coruña, 29 de xuño de 1999.
Rogelio Aramburu Núñez
Delegado provincial da Coruña
ANEXO
Expediente: P-98/0287.
Denunciado: Javier Bartolomé Martín.
DNI: 01.179.218.
Último enderezo coñecido: Adormideras, Edif. Artea 5-12, A Coruña.
Feitos denunciados: pescar en horas prohibidas e utilizar artefactos de uso non permitido.
Tipificacion Lei de pesca: artigo 35.19º e 35.5º en concordancia co 98.19º e 92.5º; cualificación grave.
Sanción proposta: 500.001 ptas., multa 3.750 indemnización, inhabilitación dun ano e un día.