O Concello de Santiago de Compostela (A Coruña), en sesión celebrada o día 10 de setembro de 1998, aprobou o proxecto de construcción dun paso inferior baixo á N-525, saneamento, abastecemento e beirarrúas no núcleo do Eixo e na mesma sesión acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa. O concello remitiu a documentación complementaria para a correcta tramitación do expediente con data en entrada no rexistro xeral da Consellería de Xustiza, Interior e Relacións Laborais o día 20 de xullo de 1999.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable con data 28 de xullo de 1999.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque os veciños da zona afectada polo expediente expropiatorio xa se manifestaran favorablemente, de forma individual e colectiva, á necesidade de levar a cabo as obras de que se trata, principalmente por razóns de seguridade viaria nun tramo no que a perigosidade para peóns e conductores é evidente.
Un excesivo atraso na realización do proxecto, motivado por un procedemento expropiatorio máis lento, podería supoñer que as condicións da perigosidade actuais se prolongasen demasiado.
A competencia para a declaración da urxente ocupación corresponde ó Concello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude, por proposta do conselleiro de Xustiza, Interior e Relacións Laborais e logo de deliberación do Consello da Xunta de Galicia na súa reunión do día vintenove de xullo de mil novecentos noventa e nove,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a
urxente ocupación, polo Concello de Santiago de Compostela (A Coruña), para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de construcción dun paso inferior baixo á N-525, saneamento, abastecemento e beirarrúas no núcleo do Eixo.
Santiago de Compostela, vintenove de xullo de mil novecentos noventa e nove.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Relacións Laborais