Realizados os trámites derivados da resolución provisional desta convocatoria, e de conformidade coa Orde do 26 de xaneiro de 1999 (DOG do 8 de marzo) pola que se convocaban axudas para a formación continua de profesores e formadores de linguas estranxeiras de acordo coa Acción B do Programa Lingua.

Esta dirección xeral resolveu, con carácter definitivo:

Primeiro.-Concederlles axudas ós profesores de linguas estranxeiras que aparecen relacionados no

anexo I, pola contía en pesetas correspondente ós ecus que se indican en cada caso, con cargo ós fondos do Programa Sócrates, Lingua, Acción B.

Segundo.-Excluí-las solicitudes e denega-las axudas ós profesores relacionados no anexo II desta resolución, por algunha das seguintes causas, correspondentes ós apartados que se citan, da orde de convocatoria do 26 de xaneiro de 1999:

1. Non estar impartindo na actualidade o idioma para o que solicita a actividade de formación, non ter tres anos de docencia en linguas estranxeiras ou non impartir 6 horas en secundaria ou 1h 30 en primaria. Apartado 2º.1.1.

2. Non presentar documentación xustificativa. Apartado 3º.1.1.

3. Non envia-las solicitudes dentro do prazo estabrecido. Apartado 5º.

Terceiro.-Achega-la lista de suplentes, por orde de puntuación, así como a daquelas persoas que renunciaron á axuda unha vez que lles foi concedida, no anexo III desta resolución.

Cuarto.

1. O pagamento efectivo da totalidade da axuda faráselle á persoa interesada unha vez realizada a actividade. Para iso, remitirá os seguintes documentos a Agencia Sócrates (Bravo Murillo, 38. 28015 Madrid), dentro dos vinte días naturais seguintes ó da finalización da actividade:

a) Fotocopia compulsada do certificado de asistencia ó curso no que se especifiquen as datas de realización e o número total de horas lectivas.

b) Fotocopia compulsada das facturas ou documentos que xustifiquen a inscrición e os gastos do curso, nos que se especifique o importe do gasto realizado.

c) Declaración da persoa interesada pola que se manifeste se é ou non beneficiaria doutra axuda ou bolsa procedente de calquera Administración ou ente público nacional ou internacional, con especificación, se é o caso, da contía e finalidade.

2. Os beneficiarios remitirán, así mesmo, á Dirección Xeral de Ordenación Educativa e de FP (San Lázaro, 107, 15771 Santiago de Compostela) unha copia dos seguintes documentos:

a) Cuestionario debidamente cuberto segundo modelo que figura no anexo IV desta resolución ó que deberá xunta-lo programa do curso.

b) Fotocopia compulsada do certificado de asistencia e o número total de horas lectivas.

c) Declaración da persoa interesada pola que manifeste se é ou non beneficiaria doutra axuda ou bolsa procedente de calquera Administración ou ente público nacional ou internacional, con especificación, se é o caso, da contía e finalidade.

3. Calquera alteración das condicións tidas en conta para as concesións das axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión.

4. As persoas beneficiarias da axuda estarán obrigadas a facilitar canta información lles sexa requirida polo organismo competente, quedando sometidas ás actuacións de control financeiro que corresponda á Intervención Xeral da Administración do Estado e ás de comprobación que poida efectua-lo Ministerio de Educación e Cultura.

Quinto.-Contra a presente resolución os interesados poderán interpoñer recurso de reposición no prazo de trinta días naturais, contados a partir do día seguinte ó da súa publicación no DOG, segundo o disposto na Lei 4/1999 (BOE do 14 de xaneiro).

Santiago de Compostela, 20 de xullo de 1999.

José Luis Mira Lema

Director xeral de Ordenación Educativa

e Formación Profesional

ANEXO I

RELACIÓN DE CANDIDATOS SELECCIONADOS

ANEXO II

EXCLUÍDOS

ANEXO III

SUPLENTES

RENUNCIAS