DOG 150 do 05/08/1999 - ORDE do 22 de xullo de 1999 pola que se resolve a convocatoria de axudas económicas para a realización de actividades de formación dirixidas ó profesorado de niveis non universitarios da Comunidade Autónoma de Galicia durante o ano 1999 e organizadas polos movementos de renovación pedagóxica.

III. OUTRAS DISPOSICIÓNS

CONSELLERÍA DE EDUCACIÓN E ORDENACIÓN UNIVERSITARIA

ORDE do 22 de xullo de 1999 pola que se resolve a convocatoria de axudas económicas para a realización de actividades de formación dirixidas ó profesorado de niveis non universitarios da Comunidade Autónoma de Galicia durante o ano 1999 e organizadas polos movementos de renovación pedagóxica.

Por Orde do 22 de abril de 1999 (Diario Oficial de Galicia do 20 de maio) a Consellería de Educación e Ordenación Universitaria convocou axudas económicas para a realización de actividades de formación dirixidas ó profesorado de niveis non universitarios da Comunidade Autónoma de Galicia durante o ano 1999 e organizadas polos movementos de renovación pedagóxica.

Vista a proposta formulada pola comisión de selección, e de conformidade coa base 10 da convocatoria,

RESOLVO:

1. Concederlles, con cargo á aplicación orzamentaria 07.04.322I.480.0. as axudas que se relacionan no anexo desta orde.

2. O pagamento das axudas económicas farase unha vez feita a debida xustificación, que se deberá realizar ata o 10 de outubro incluído de 1999, para as actividades que finalicen ata o 30 de setembro incluído, e ata o 5 de decembro de 1999 para as actividades realizadas entre o 1 de outubro e o 4 de decembro incluídos.

3. Unha vez rematado o prazo de presentación das documentacións xustificativas das axudas económicas concedidas, reunirase a comisión para face-la avaliación delas.

4. Autorízase a Dirección Xeral de Ordenación Educativa e Formación Profesional para dicta-las instruccións necesarias para a aplicación e desenvolvemento desta orde.

5. Contra esta resolución os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes contado a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro) de modificación da Lei 30/1992, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 22 de xullo de 1999.

Celso Currás Fernández

Conselleiro de Educación e Ordenación Universitaria

ANEXO

APJEGP - Asociación Pedagóxica Xornadas do Ensino de Galiza e Portugal:

1ª Actividade de escola de verán: 737.500 ptas.

2ª Actividade de escola de verán: 200.000 ptas.

3ª Actividade de escola de verán: 200.000 ptas.