Manuel Vicente Brioso Jiménez, tenente de navío da reserva naval activa, instructor designado para o expediente administrativo nº 28/1998, sobre o achado de dous tanques cilíndricos, fai saber:
Que o día trinta de marzo de mil novecentos noventa e oito, o remolcador Ría de Vigo atopou dous tanques cilíndricos de aceiro inoxidable de 15 m de longo e 5,5 m de diámetro en alta mar, fronte á costa de Galicia. Estes tanques están depositados no peirao centenario do porto da Coruña.
O que se fai público consonte o disposto no artigo 48 da Lei 60/1962, do 24-12-1962 (BOE número 310), co fin de que a persoa que se crea con algún dereito sobre o mencionado achado, compareza nesta Comandancia Militar da Mariña da Coruña, para expo-lo que crea conveniente dentro do prazo de seis meses contados desde a publicación deste edicto.
Transcorrido o dito prazo sen presentarse reclamación, procederase conforme a lei.
(Os gastos derivados da publicación deste anuncio serán por conta do adxudicatario).
A Coruña, 23 de xuño de 1999.
Manuel V. Brioso Jiménez
Tenente de navío