Para os efectos previstos na Lei 54/1997, do 27 de novembro, e no artigo 9 do Decreto 2617/1966,
sométese a información pública a petición de autorización da instalación eléctrica que se cita.
Solicitante: Orenquímica, S.L.
Enderezo social: Torán 3, 32690 Taboadela.
Denominación: L.M.T. e C.T. de 160 kVA.
Situación: Taboadela.
Descricións técnicas: L.M.T. aérea a 20 kV sobre apoios de formigón pretensado reforzado de 122 m de lonxitude en conductor LA-56, con orixe na L.M.T. que vai da subestación do polígono de San Cibrao das Viñas a Allaríz e remate no C.T. aéreo con 160 kVA, R/T 20.000/380-220 V situado nunha parcela do peticionario en Torán (Taboadela).
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Ourense, 21 de xuño de 1999.
Alfredo Cacharro Pardo
Delegado provincial de Ourense