O expediente de expropiación forzosa que se instrúe dos bens e dereitos que se precisan ocupar no ámbito da unidade de actuación UE-4 do PERI do núcleo histórico de Ourense, para a construcción de VPO de réxime xeral, prazas de garaxe subterráneas e ordenación do espacio público que se xera, foi aprobado conforme o artigo 145 da Lei 1/1997, do solo de Galicia, pola Consellería de Política Territorial, Obras Públicas e Vivenda con data do 18 de maio de 1999. De conformidade co establecido no artigo 146.1º da Lei 1/1997, do solo de Galicia, o acordo de aprobación definitiva de expediente de taxación conxunta implicará a declaración de urxencia da ocupación dos bens e dereitos afectados.

Na súa virtude, acorda que Xestión Urbanística de Ourense, S.A., beneficiaria da expropiación, en cumprimento do disposto no artigo 38 da Lei 6/1998, do 13 de abril, de réxime do solo e valoracións, o artigo 146.2º e 3º da Lei 1/1997, do solo de Galicia, o artigo 202 e seguintes do Regulamento de xestión urbanística aprobado polo Real decreto 3288/1978, do 25 de agosto, e artigo 48 e seguintes do Regulamento de expropiación forzosa, do 26 de abril de 1957, proceda a verifica-lo pagamento ou, se é o caso, consignación dos prezos xustos dos bens e dereitos afectados, o día 6 de setembro de 1999, ás 9 horas, do predio nº 1 ata o predio nº 12 e, o mesmo día, ás 16.30 horas, do predio nº 13 ó predio nº 23.

Ó devandito acto convócase:

O pagamento efectuarase no salón de actos do Concello de Ourense polo pagador, Xestión Urbanística de Ourense, S.A., en presencia do alcalde, o secretario do concello e o representante da Administración.

O que se fai público para xeral coñecemento, advertindo que o pagamento se fará a aqueles interesados que acheguen certificación rexistral ó seu favor, na que conste terse estendido a nota do artigo 32 do Regulamento hipotecario ou, no seu defecto, presenten os títulos xustificativos do seu dereito, completados por certificación negativa do Rexistro da Propiedade referidas ó mesmo predio descrito en tales títulos, conforme o artigo 205 do Regulamento de xestión urbanística aprobado polo Real decreto 3288/1978, do 25 de agosto.

Non se admitirá representación se nón é por medio de poder debidamente autorizado, xa sexa xeral, xa sexa particular para este caso, debendo presenta-la documentación necesaria para acredita-la sucesión no caso de ser herdeiros; así mesmo, os comparecentes deberán identificarse co documento nacional de identidade ou, no seu lugar, polo coñecemento directo que testifiquen o alcalde ou secretario do concello.

Notifíqueselle-la resolución a tódolos titulares dos bens e dereitos que figuran no expediente, e publí

quese este acordo no DOG, no BOP e no taboleiro de edictos do concello. A publicación desta resolución serviralles de notificación ós propietarios descoñecidos, dos que se ignore o lugar de notificación, ou ben, tentada a notificación, non se puidese realizar. Todo isto de acordo co disposto no artigo 59.4º da Lei 4/1999 de modificación da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 14 de xaneiro de 1999).

Santiago de Compostela, 21 de xullo de 1999.

José Antonio Redondo López

Director xeral do Instituto Galego da Vivenda

e Solo