A comisión autonómica do curso de perfeccionamento para a obtención do título de especialista en medicina familiar e comunitaria comunícaselles ós alumnos relacionados na resolución da Dirección Xeral de Planificación Sanitaria do Ministerio de Sanidade e Consumo, do 4 de marzo de 1991, publicada no BOE nº 57/1991, do 7 de marzo, da realización do último curso que se tén previsto desenvolver en Santiago de Compostela.

En cumprimento do acordo da comisión autonómica, do 1 de xullo de 1998, polo que se acordou a realización en Santiago de Compostela do último curso de perfeccionamento para a obtención do título de especialista en medicina familiar e comunitaria, e seguindo os criterios aprobados o 2 de decembro de 1998, segundo os cales a quenda teórica se desenvolverá pola modalidade a distancia, con sesións presenciais periódicas e a quenda práctica se poderá realizar en centros sanitarios públicos ou privados acreditados conforme as posibilidades horarias e a titoría docente do director-coordinador do curso. Anúnciase a realización do dito curso a partir do 6 de setembro do ano que corre.

Os alumnos pendentes da realización do curso que desexen acollerse a esta última convocatoria poderán inscribirse para a súa realización no Servicio de Programas de Calidade e Investigación, da División de Asistencia Sanitaria do Sergas ( San Lázaro s/n Santiago de Compostela, teléfono: 981 54 28 67) ata o 1 de setembro. A comisión autonómica considera que os alumnos non inscritos nesta última convocatoria renuncian á realización do curso.

Santiago de Compostela, 23 de xuño de 1999.

Francisco J. López Rois

Director xeral da División de Asistencia Sanitaria