DOG 142 do 26/07/1999 - ORDE do 19 de xullo de 1999 pola que se amplía a dotación orzamentaria da Orde do 27 de maio de 1999 pola que se acorda continua-la tramitación, con cargo ós orzamentos do ano 1999, das solicitudes presentadas ó abeiro das ordes do 13 de maio de 1996 e do 15 de xuño de 1998, de axudas a accións de desenvolvemento e ordenación dos bosques.

III. OUTRAS DISPOSICIÓNS

CONSELLERÍA DE MEDIO AMBIENTE

ORDE do 19 de xullo de 1999 pola que se amplía a dotación orzamentaria da Orde do 27 de maio de 1999 pola que se acorda continua-la tramitación, con cargo ós orzamentos do ano 1999, das solicitudes presentadas ó abeiro das ordes do 13 de maio de 1996 e do 15 de xuño de 1998, de axudas a accións de desenvolvemento e ordenación dos bosques.

Debido ó importante volume de solicitudes de axuda a accións de desenvolvemento e ordenación dos bosques recibidas, e co fin de acada-los obxectivos de mellora das masas forestais, ordenación sostible dos montes, así como o fomento de programas de sensibilización e divulgación forestal, esta consellería considera conveniente efectua-los trámites

precisos para incrementa-la dotación inicialmente prevista na orde de referencia.

Na súa virtude e no uso das atribucións que me foron concedidas,

DISPOÑO:

Artigo único.

Modifícase o artigo 3º da devandita orde ó que se lle dá a seguinte nova redacción:

«As accións previstas na presente orde financiaranse, no exercicio do ano 1999, con cargo ás dispoñibilidades orzamentarias existentes na aplicación 15.02.614-C 770.0 por un importe de 712.648.366 pesetas e na aplicación 15.02.731-A 770.0 por un importe de 59.000.000 de pesetas.»

Disposición derradeira

Única.-A presente orde entrará en vigor o día seguinte ó da súa publicación no Diario Oficial de Galicia.

Santiago de Compostela, 19 de xullo de 1999.

Carlos del Álamo Jiménez

Conselleiro de Medio Ambiente