Visto o expediente incoado por José Antonio Vázquez Otero, no que solicita o cambio de dominio mortis-causa do viveiro fluctuante de cultivo de mexillón denominado Santos I, outorgado pola orde ministerial do 27-5-1964, situado na cuadrícula nº 136, do polígono A de Vilagarcía, rematando a concesión o 26-6-2004, e do que eran titular José Mª Vázquez Ces e Filomena Otero Beiro.
Tendo en conta o informado polo Servicio Técnico-Xurídico e de conformidade co sinalado no artigo 59.3º da Lei 6/1993, do 11 de maio, de pesca de Galicia e 10.1º do Decreto 406/1996, e considerando que ó expediente figuran unidos o certificado de defunción, a certificación do Rexistro de Últimas Vontades, a acta de notoriedade de declaración de herdeiros, a relación de bens, a copia da escritura de adxudicación parcial de herdanza e a documentación acreditativa do pagamento ou da pre
sentación ó pagamento do imposto de sucesións e doazóns, esta consellería tivo a ben acceder ó solicitado, declarando titular da concesión administrativa e do viveiro do que se trata, nas mesmas condicións cás expresamente consignadas na orde ministerial de outorgamento, a favor de José Antonio Vázquez Otero (33.221.523).
O novo titular subrógase no prazo, dereitos e obrigas dos anteriores, así como queda obrigado a observa-las disposicións en vigor sobre este particular.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca, Marisqueo e Acuicultura ou recurso contencioso-administrativo que se interporá no prazo de dous meses contados desde o día seguinte ó da súa notificación ou publicación ante a xurisdicción contencioso-administrativa, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.
Vigo, 22 de xuño de 1999.
P.D. (Orde do 27-6-1990, DOG nº 134 do 10-7-1990)
Rosa Mª Quintana Carballo
Delegada territorial de Vigo
