Camilo J. García Puertas Magariños, secretario do Xulgado do Social número dous de Santiago de Compostela, fai saber que neste xulgado se seguen os autos arriba mencionados, promovidos por Sergio Valerio Sánchez, nos que se acordou citar por edictos a demandada en paradoiro descoñecido, Carmen Suárez García, para que o día 27 de setembro, ás 10.10 horas, compareza na sala de audiencia deste xulgado ós actos de conciliación e xuízo previstos para esa data. Advírteselle que a súa incomparecencia inxustificada non impedirá a realización dos devanditos actos, que continuará o procedemento o seu curso e que as seguintes comunicacións que se lle deban facer se realizarán nos estrados deste xulgado, agás as que deben revesti-la forma de auto ou sentencia ou se trate de emprazamento. Tamén se lle advirte que pode comparecer ou defenderse

persoalmente ou por medio de representante designado mediante poder cumprido, mediante comparecencia perante este xulgado ou o de primeira instancia ou de paz do seu domicilio, e que deberá acudir con tódolos medios de proba de que intente valerse. Comunícaselle tamén que as copias da demanda e documentos que con ela se achegan están á súa disposición na secretaría deste xulgado.

Ademais, requírese o devandito demandado para que o día dos actos de conciliación e xuízo achegue os seguintes documentos: o contrato de traballo, as nóminas e os TCS.

E para que se publique no Diario Oficial de Galicia e lle sirva de notificación, citación e requerimento á demandada en paradoiro descoñecido, Carmen Suárez García, expido, selo e asino este edicto en Santiago de Compostela o 24 de xuño de 1999.

O secretario

Rubricado