A Dirección Xerencia do Complexo Hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 21 de abril de 1998 (DOG nº 88, do 11 de maio) convoca o seguinte concurso:
-Expediente 41/99:
1. Obxecto: establece-la contratación dos servicios financeiros propios dunha entidade bancaria no Complexo Hospitalario Xeral-Cíes de Vigo.
2. Prazo de execución: 4 anos contados a partir da data de formalización do contrato, podendo prorrogarse antes da súa finalización, por mutuo acordo das partes e períodos máximos de dous anos.
3. Garantía provisional: 48.000 ptas. (288,489 euros).
4. Forma de adxudicación: concurso público, procedemento aberto e tramitación ordinaria.
5. Clasificación: non se esixe.
6. Solvencia económica e financeira: acreditarase por calquera dos medios previstos no artigo 16 da Lei de contratos das administracións públicas (Lei 13/1995, do 18 de maio, BOE nº 119, do 19 de maio).
7. Solvencia técnica: acreditarase por calquera dos medios previstos no artigo 19 da Lei 13/1995, do 18 de maio de contratos das administracións públicas. (BOE nº 119, do 19 de maio).
8. Criterios de adxudicación:
Condicións económico-financeiras ofertadas ós usuarios (entre 0 e 10 puntos).
Melloras adicionais (entre 0 e 10 puntos).
Amplitude da gama dos servicios (entre 0 e 3 puntos).
Canon ofertado (entre 0 e 3 puntos).
9. Documentación: o prego de cláusulas administrativas particulares e demais documentación complementaria pódese solicitar no Servicio de Contratación Administrativa do Complexo Hospitalario Xeral-Cíes, rúa Pizarro, 22-36204 Vigo, en días laborables desde as 9 ata as 14 horas. Teléfono nº: 986 81 60 28 e fax nº: 986 81 60 65.
10. Prazo de presentación de proposicions: as proposicións deberanse presentar en man, no rexistro xeral do Complexo Hospitalario Xeral-Cíes, antes das 14 horas do vixésimo sexto día natural contado
a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do RXCE.
11. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal, referencias técnicas e oferta económica, descritas no PCAP.
12. Apertura de proposicións: a apertura das proposicións admitidas será realizada pola mesa de contratación, reunida en acto público, na sala de xuntas do hospital xeral as 8.30 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que coincida en sábado ou festivo, a apertura das proposicións terá lugar no día hábil seguinte.
13. Anuncios: o anuncio do presente concurso público será por conta do adxudicatario do contrato.
Vigo, 17 de xuño de 1999.
José Manuel Gónzalez Álvarez
Director xerente do Complexo Hospitalario
Xeral-Cíes de Vigo