O Consello da Cultura Galega, ultimados os trámites administrativos pertinentes, resolveu anuncia-lo procedemento de adxudicación do contrato ó que se refire a presente resolución e que posúe as seguintes características:
1. Entidade adxudicadora: Consello da Cultura Galega, praza do Obradoiro, Pazo de Raxoi, 2ª planta, Santiago de Compostela. Teléfono: 981 56 90 20.
2. Obxecto do contrato.
a) Descrición do obxecto: consultoría e asistencia para diversos proxectos de investigación.
b) Prazo de execución: ata o 28 de decembro de 1999.
3. Tramitación, procedemento e base de adxudicación: concurso público aberto, con trámite de urxencia.
4. Orzamento base de licitación: once millóns cincocentas dez mil cincocentas sesenta e oito pesetas (11.510.568 ptas.) IVE incluído, (69.179,90 euros).
5. Garantías.
Provisional: dispensada en virtude do artigo 36.2º da Lei 13/1995.
Definitiva: esixirase unha garantia definitiva equivalente ó 4% do orzamento do contrato.
6. Obtención de documentación e información: os pregos de cláusulas administrativas particulares que rexen a contratación e o prego de prescricións técnicas poderán recollerse nas dependencias do Consello da Cultura Galega, praza do Obradoiro, Pazo de Raxoi, 2ª planta, Santiago de Compostela. Teléfono: 981 56 90 20.
A data límite para a obtención de documentación e información será a fixada para o prazo de presentación de proposicións.
7. Presentación de ofertas: as proposicións presentaranse antes das 14 horas do décimo terceiro día natural (13) seguinte á publicación do anuncio no DOG e elaboraranse segundo o modelo que figura no prego de cláusulas administrativas particulares. Tódolos documentos esixidos no prego de cláusulas administrativas particulares deberanse presentar en man no Rexistro do Consello da Cultura Galega ou de acordo cos procedementos previstos no artigo 100 do Regulamento xeral de contratación do Estado.
8. Apertura de ofertas: a mesa de contratación procederá á apertura das proposicións nun acto público ó que poderán asisti-los licitadores ou os seus representantes, nas dependencias do Consello da Cultura Galega, ás 10 horas do quinto día hábil
seguinte ó de remate do prazo de presentación de ofertas, que non sexa sábado.
O importe do anuncio de licitación será por conta do adxudicatario.
Santiago de Compostela, 30 de xuño de 1999.
Carlos Casares Mouriño
Presidente do Consello da Cultura Galega
