De conformidade co disposto na base II.1.4 da Orde do 26 de agosto de 1997, pola que se convocan as citadas probas selectivas (Diario Oficial de Galicia nº 198, do 14-10-1997) e resoltas as reclamacións presentadas, acórdase elevar a definitivas as puntuacións obtidas na fase de concurso.

As citadas puntuacións están expostas desde o día da publicación do presente acordo, nos taboleiros de anuncios da Consellería da Presidencia e Administración Pública, das súas delegacións provinciais, da Consellería de Pesca, Marisqueo e Acuicultura e das súas delegacións territoriais.

Contra o presente acordo os interesados poderán interpoñer de conformidade co previsto no artigo 114 da Lei 30/1992, do 26 de novembro, modificada pola Lei 4/1999, do 13 de xaneiro, recurso de alzada perante o conselleiro da Presidencia e Administración Pública, no prazo dun mes contado desde o día seguinte ó da publicación do presente acordo no Diario Oficial de Galicia.

Santiago de Compostela, 1 de xullo de 1999.

Enrique Álvarez Romero

Presidente do tribunal coordinador número 1